Vendredi 05 avril 2024
Évangile de Jésus Christ selon saint Jean Jn 21, 1-14
Lèrla, Jésus la vni oir ankor lo bann disip dann bordmèr, la mèr Tibériade. Voila koman.
Lavé zot tout ansanmb Simon-Pierre, Thomas sak i kri ali Didyme, (sa i vé dir jimo)
Nathanaël té i sort Cana an Galilée, lo bann garson Zébédée, ansanm deux zot son bann disip.
Simon-Pierre i di azot :« mi sava la pèsh. » zot i di ansanm Simon-Pierre :
« Nou ossi ni vien èk ou. »
Zot la sorti, mont dan lo kanot; solman, la nuit la, zot la pa trap aryin.
Ariv lo matin ; Jésus lété la, bordaj dolo, solman, lo bann disip té i koné pa lété Jésus.
Jésus la di azot :
« Marmay, zot la poin in nafèr pou manjé ? »
zot la réponn :
« Non va »
Jésus la di azot :
« Jèt zot tramay par koté droit lo kanot, zot va trouvé.
Zot la jèt zot filé, la, zot té pi kapab ral lo tramay si tèlman lavé poisson.
Alorse, lo disip sak Jésus té ki èm, la di ansanm Pierre :
« sa lo sénièr sa ! »
« dèk Simon-Pierre la antandi sa lété lo sénièr, li la mèt in linj, pars li lavé poi rien si li.
Li la sot a la mèr.
Lo bann zot disip la arvni ansanm lo kanot zot té i ral lo filé, plin poisson :
zot lété pa bien loin lo bord, dizon cents mèt.
Déssann atèr, zot la vi, atèrla, in fé la brèz, ansanm poisson pozé déssi, lavé dopin ossi Jésus la di azot :
« Amèn in pé, sa bann poisson zot i vienn trapé.
« Simon-Pierre la armont dann kanot, la ral ziskatèr, lo filé plin gro-gro poissons :
Lavé cent cinquante-trois.
kamèm lavé si tèlman in gro paké, lo filé la pa déshiré.
Jésus la di azot :
« Vien azot manjé.
« Okèn an parmi son bann disip la oz domandé : « kissa ou lé ? »
Zot té i koné bien sa té lo sénièr.
Jésus i vien; li trap dopin, i donn azot, i fé parèy ansanm lo poisson.
Sa, té lo troizièm foi,Jésus réssissité an parmi bann sak té mor
Té i donn in sinial son bann disip.
© Jean volsan
