Evangile en créole du 31 mars 2024
Dimanche 31 mars 2024
Jn 20, 1-9
Lo promié jour la somèn, Marie-Madeleine i sava lo tonbo, gran matin. Té i fé ankor noir.
èl i apèrsoi la tir lo bèl rosh dovan lo kavo.El i kour oir Simon – Pierreansanm lot disip,
sak Jésus té ki èm, èl i di azot :
La tir lo sénièr dann son tonbo, nou koné pa oussa la dépozé. »
Pierre la parti ansanm lot dalon pou alé ziska lo tonbo. Zot té i kour tou lé deux ansanm,
solman lot disip la kour pli vit Pierre, la ariv lo promié lo tonbo.
Pansh andan, lo disip i oi lo bann linj pozé a plat; solman, i rant pa andan.
Simon-Pierre té i suiv , i ariv son tour. Pierre i rant dan lo tonbo ;
i oi lo bann linj pozé a plate, ansanm lo dra mortièr, lavé antour la tèt Jésus, pa pozé ansanm lo bann linj, solman roulé, apar, son plas.
La lot disip la rantré, sak lavé ariv lo promié lo tonbo. La vi, la kroir,
parlfèt, ziskala, lo bann disip lavé pa konpri ké, dapré, l’Ekritir, té i falé Jésus
té i réssissit an parmi bann sak té fini mor.
© jean volsan
