Evangile en créole du 10 mars 2024
Dimanche 10 mars 2024
Jn 3, 14-21
Lèrla, Jésus la di ansanm Nicodème :
« Parèy sèpan an bronz
Lété mèt an lèr par Moïse dann dézèr, konmsa mèm i fo lo fis de lonm
lé pandyé, manièr par li, tout domoun i kroi nana la vi étèrnèl.
Pars,lo Bondié la si tèlman èm lo mond, li la donn son sèl zanfan, ,
manièr nimporte kissa i kroi son zanfan, i pèrd pa li, plito, li gaign la vi étèrnèl.
Pars, loBondié la anvoy son garson dann lo mond, la pa pou juj lo mond,
manièrk par son garson la, lo mond lé sové. »
Sak i kroi, li shap lo may lo jujman ;
Sak i kroi pa li, la fine jujé,
pars li la pa kroir lo nom lo sèl garson Bondié.
E, sa jujman la, voila li la :
La limièr la vni dann lo mond, solman, domoun la préfèr fénoir olièrkk la limièr,
pars sak zot té ki fé, té pa korèk.
Sak i fé lo mal,la,li èm pa la limièr, li vien pa dann féklèr
Tansion-pangar i mèt o jour son mové zaksion.
Solman, sak li fé la vérité, li vien dann la limièr,
manièr i pé oir sak li fé la, zafèr li fé, sa lé fé ansanm Bondié.
© jean volsan
