Evangile en créole du 19 fevrier 2024
Lundi 19 février 2024
Mt 25, 31-46
Lèr la, Jésus té i di ansanm son bann dalon :
« Lèr lo fis de lonm va vni dann son gloir ansanm tout ban’ zanj,
alorse, li va asiz si son tronn la gloir.Tout nassion sora la an paké dovan li.
La va tri do moun, lé zinn lé zot,konm in gardien i tri mouton èk bouk.
Li va mète mouton koté droit, bouk koté gosh.
La , lo roi va di ansanm sak koté droit :
« Viens a zot bann sak bon Dieu la shoizi . trap zot léritaj Péï Bondié,
la prépar pou zot dopi lo komansmanlo mond.
Pars moin lavé fin, zot la donn amoin pou manjé.
Moin lavé soif, zot la donn amoin pou boir.
Moin, in moun déor, zot la fé in plas pou moin.
Moin té tou ni, in kabay , zot la donn amoin.
Moin té malad, zot la vni oir amoin.
Moin té la prizon, ziska la, zot la arrivé ziska amoin.
Alorse bann bon moun va réponn.
Maît, kan sa nou
la vi a ou ? lèr, la fin trann tat a ou, nou la donn aou manjé ?
Kan sa ou lavé soif, nou la donn aou pou boir ?
kélèr, ou té in moun étranjé, nou la fé la plas pou ou ?
Kan sa sa, ou té tou ni, nou la donn aou linj?
Kan sa ou té malade, sankoi la prizon, nou la vni ziska ou ?
La, lo roi va réponn :
« vréman, mi di azot ;
lèr zot nora fé sa pou inn mon bann ti frère, sé pou moin que zot nora fé sa !
Li va di ankor pou sak lé koté gosh. Sort a zot koté moin, alé loin bann modi,
dann fé la prépare pou lo dia’ek son bann zanj.
Pars, Moin lavé fin, in boushé manjé zot la pa donn amoin .
Moin lavé soif, zot la pa donn a moin arien pou boir.
Moin té in moun étranjé, in plas, zot la pas fé pou moin.
Moin té tou ni, in piès linj, zot la pa doné.
Moin té malade, la jôl, zot la pa fé in kont ansanm moin.
La, bann mové moun va réponn azot ossi :
« Maît, kan sa nou la vi ou lavé fin, sinon sa soif, sauf tou ni, moun étranjé,
malade sakoi sa la jôl, nou la pa donna ou in koud min ?»
La, lo roi va réponn :
« vréman , mi di azot, shak foi zot la pa lèv in pay pou lo pli pti mon bann frère,
sé pou moin zot la pa fé arien.
La, zot va alé, bann na pou lo shatiman pou toultan,
bann just pou la vi étèrnèl
© jean volsan
