Evangile en créole du 07 fevrier 2024
mercredi 07 février 2024
Mc 7, 14-23
Lèr la,
kri ankor in foi domoun, Jésus la di zot :
« ékout a moin zot tout, konpran azot ?
La poin arien an déor in moun
lèrk li rant dan lo moun, i pé rann so moun la, sal,
solman, sak li sort dann in moun, voila kossa ki rann domoun sal.
Lèrk Jésus té fin rant la kaz, loin la foul,
son bann disip la kèstionn Jésus si so parabol mistèr la.
Alorse, Jésus la di azot :
« zot lé san lintélijans,azot ossi,?
Zot i konpran pa, la poin arienn sak i rant dann in moun,
dopi déor i pé pa rann moun la, sal, pars, sa i rant pa dann son kèr,
sa i rant dann son vant, i sava dann in foss ?
« konm sa,Jésus té i di ké tout zafèr té i manj lété prop.
Jésus la di :
« Sak i sort dann in moun, sé sa, i rann in moun sal.
Parlfèt, sé dopi par andann, sé dopi lo kèr domoun i sort bann mové lintansion,
mové konduite, lo vol, bann krim, Traïzon dann mariaj, la méshansté, trompri,
dézord la vi, lanvi, jirman, lorguèy, la pèrt la rézon.
Tout so mal la, sort dann domoun.
Sé sa i rann domoun sal. »
© jean volsan
