Saint Jean 5 , 31-47

Jézus lavé di bann Juifs :
Si Mwin té témoin pou Mwin-minm, mon témoiniaz noré 'té pa vré ;

Néna in'ot moun la port témoin pou Mwin, é mi koné lë témoiniaz li port lé vré.

Zot la anvoy do moun té sort ansanm Jean Batist pou guété - li la port témoin pou la vérité.

Mwin la Pa bezoin in moun i port témwin pou Mwin, soman, si mi koz konmsa, sé pouk zot lé sauvé.

Jean té la lamp té brül an minm-tan té éklèr,
É zot té byin kontan, srès pou in tan, gagne son limièr.

Soman, konm témwaniaz, Mwin néna inn lé plü for témwaniaz Jean :
Sé tout tout lé zoeuv mi fé Mwin-minm konm lö Papa-dann-syel i vé mi fé ;
Lé zoeuv là, amwin i fé, é sa i port témwaniaz pou Mwin.

Lë Papa-dann-syel la anvoy amwin, é Ali-minm la port témwin pou Mwin.
Zot la zamé ékout sa vwa, zot la zamé vu ali, son vizaj an fass,
épila, sa parol i ress pa an zot,pars zot i kroi pa an mwin, soman amwin-minm lé lanvoyé lö Papa-dann-syel.

Zot i fouÿ byin dann Z'Ékritïr pars zot i pans va trouv dëdan la vie éternel :
Soman, sé lé z'Ékritïr minm i port témwin pou Mwin.
Mé zot i ve pa vnir ansanm Mwin pou gagne la Vie.
Gran-Lonèr, la pa ansanm do moun Mi gagne,
An plis, mi koné azot byin : zot néna pwin an zot L'amour Bondié.
Amwin, mwin lé vnü au nom lö Papa-dann-syel, é zot i réswa pa Mwin'
Si in'ot i vyin, au nom d'lü minm, alü-là, zot va rësövwar.

Koman zot i pë koir, si zot i gagna zot gran-Lonèr lé-zinn ansanm lézot, azot- minm kelé Pa kabap shersh gran-Lonèr i sort koté Bondié-lö sël-Bondiè !
Mazîn pa amwin i sava akoz azot dövan lë Papa-dann-Syel.
Zot Laküzatèr, sra Moïz, té swa-dizain ali-minm zot Léspérans.

Si zot té i krwa vréman Moïz, zot noré krwar an Mwin - pars té sü Mwin-minm Zékriture té i koz !
Soman, konm zot i. Krwa pa sak Moïz la ékrir,
Koman zot i pè krwar sak amwin lé apo di azot là ?


Pou réfléshi, pou fé inn joli prièr :

Jézus i i vé do moun i krwa an Li.
É lé difisil krwa in moun, é an pli kan lö moun i di li lé lö zanfan, lö garson Bondié...kan li di li lé Bondié.
Zot minm ! I pé pa krwar konmsa !

Jézus i kompran byin sa !
Soman li di do moun innot shoz :
Li di bana, zot lé fini war koi Li fé, pou kisa Li fé, koman Li fé !
Li fé pou lö Papa-dann-syel,
Li fé dann la Vérité é dann la limièr,
Li fé pa pou gagne ni gran-Lonèr,
Li fé pou lö gran-Lonèr lö Papa-dann-Syel,
É pou amont tout do moun lèr l'arivé pou amont vréman Bondié i aport la Vi pou tout do moun.

Sénièr, souvan défwa, nout ker lé fermé,
I vé pa war out limièr,
Souvan défwa nou lès pa out limièr éklèr nout Vi, nout fors, pou fé out volonté,
Donn anou out Lespri-Lamour pou kontinié lö zoeuv ou la fé,
Pou aport out vi si la tèr,
Pou fé-Klat out limièr,
Pou fé grandi out L'amour dann ker do moun,

Amen


source :Jean Denis FERRERE op

Posté le : 04/04/2014