Evangile en créole du 16 mars 2025
éLotan li té i prièr, sonfiguir la shanjé an tout.
Lc 9, 28b-36
Lévanjil Jézu konm sin Luc i rakont
Lèr la,
Jésus la pran, Pierre, jean èk Jacques,
la mont si la motagn pou prièr.
Lo tan Jésus té i prièr,
son figuir la shanjé,
son linj la vni in blanc
té i bril lo zié.
La, dé moun té an trinn koz
ansan Jésus :
Lété Moïse ansanm Elie,
la aparèt dann la gloir.
Zot té i koz son dépar
Pars, Jésus té i sava fé Jérusalem.
Pierre ansanm son bann dalon
té i tonmb somèy ;
solman zot la pa dormi, zot la vi la gloir Jésu
s ansanm lé dé moun koté Jésus.
Bann na té i éloign de Jésus
lèr Pierre la di ;
« Mait ben lé bon nou lé la !
Anon drès 3 boukan,
inn pou ou, inn pou Moïse, èk inn pou Elie. »
Pierre té i koné pa kossa li té an trinn di.
Pierre té pankor fini kozé,
lèr in niaj la kouv azot ansanm son lonbraj ;
La pèr la souk azot
lèr zot la rant ladan.
Alorse, dopi niaj la, in voi la fé antann :
« Sa mon zanfan, mon garson,
sak moin la shoizi :
ékout mon zanfan ! »
lo tan té i antan la voi la,
té i arèt Jésus tousèl.
Lo bann disip la pa di arien,
Dann bann juor la, zot la pa di pèrsonn
sak zot lavé vi ?
©jean volsan 2025
