Evangile en créole du 09 mars 2025
Premier dimanche de Carême 2025 : dimanche 09 mars 2025
Promié lektir
Ronouvèlman konfians dann Bondié lo pèp shoizi
Maké dann liv Deutéronome
Moïse té i di domoun lo pèp :
Lèr ou va vni prézant lo bann promié frui out rékolt,
lo prèt va trap lo panié dann out min,
Va dépoz sa dovan lotèl lo sénièr out Bondié.
Ou va di bann parol la dovan lo sénièr
Out Bondié :
« mon papa té in moun Araméen té i voyaj toultan,
la désann dopi l’Egypte laba :
Li la viv konnm konm inmoun étranjé èk son pti fami.
Sé la, li la vni in gran nassion,
Puissan èk in bonpé domoun.
Bann domoun l’Egypte, la maltèt anou,
la fé mizèr anou ;
zot la fé viv anou in lésklavaj dir.
Nou la kri lo sénièr,
Bondié nout papa.
Li la antandi anou,
Li la vi nou té i viv dan la mizèr, la pèn ék
lo poi bann na.
Lo sénièr la fé sort anou dann l’Egypte
Ek in min dir, in bra for par dovan,
Li la fé bann zafèr te i fé pèr bann na, bann sinial, bann
zafèr éstraordinèr.
Li la amèn anou atèrla, li la donn anou
péï la,
in péï oussa i koul dolé èk domièl.
Astèr, mi amèn, lo bann
promié frui la tèr ou la donn amoin sénièr. »
©jean volsan 2025
