Evangile en créole du 28 aout 2024
Mercredi 28 2Août 2024 Mt 23, 27-32
Dann tan la, Jésus té i di :
Malèré azot bann léskribe ansanm bann Pharisiens lipokrit,
pars zot i arsanm sa bann kavo la blanshi ansanm la sho :
Déor, zot na in bon laparans, solman, anndan lé rampli ansanm lo zos , tout kalité mové zafèr.
Lé konmsa, an déor, pou domoun, zot i donn lèr bon moun, bien droit, solman anndan zot lé rampli
lipokrizi ansanm lo mal.
Malèré azot bann léskribe ansanm bann Pharisiens lipokrit, pars zot i bati kavo pou bann profèt,
zot i mèt moulir déssi tonbo bann bon moun. Zot i di :
« Si nou lavé viv dann tan nout papa, nou noré pa été zot kompliss pou vèrs lo san bann profèt. »
Alorse, zot i pass témoin kont zot mèm :
« Zot lé bien lo bann zanfan la assassine lo bann profèt.
Alorse, azot, sharj a blok pou fé konm zot bann papa. »
©jean volsan
