Evangile en créole du 26 aout 2024
Lundi 26 25 Août 2024 Mt 23, 13-22
Lèr la, Jésus té i di :
« Malèr pou zot bann léskrib ansanm bann Pharisien lipokrit pars zot i tak a klé royonm Bondié
dovan domoun ; Azot mèm, parlfèt, zot i rant arpa,
Solman, zot i lès pa rantré bann sak i vé rantré !
« Malèr pou zot bann léskrib ansanm bann Pharisien lipokrit, pars zot fouyi la mèr ansanm la tèr
pou insèl moun i shanj son kroyans, lèr sa i ariv, zot i transform lo moun, paré pou dofé lanfèr, dé foi pli pir
ké zot !« Malèr pou zot, bann guid i oi pa klèr,
zot i di :
« Si I fé in sèrman par landroi sakré, sa i kont pa, i vo pa rien.
Solman, si i fé in sèrman dési lor landroi sakré, oussa i fo péyé. »
Bann tèt fré, zié fèrmé ! kossa in kont plis : lor ?
sankoi sa landroi Sakré i donn valèr sa lor la ?
zot i di ankor :
« Si I fé in sèrman par lotèl, sa i kont pa, i vo pa rien.
Solman, si i fé in sèrman dési lofrann i mèt dési lotèl, ben la i fo péyé. »
Zié boushé ! kossa i kont plis : lofrand i donn ?
Sankoi sak i donn son valèr lotèl la ?
Parlfèt, sak i fé sèrman èk lotèli fé sèrman èk lotèl,
Ansanm tout sak lé si lotèl ;
Sak i fé sèrman si landroi sakréi fé sèrman si landroi sakré
i fé sèrman èk sak i abit atèrla ;
sak i fé sèrman èk lo sièl
i fé sèrman ansanm lo tronn Bondié,ansanm sak lé si sièj la.
©jean volsan
