Evangile en créole du 24 aout 2024
Samedi 24 Août 2024 Jn 1, 45-51
Lèrla Pilippe i voi Nathanaël, i di:
« Lo moun i koz dann la loi Moïse,Bann profèt i di la, nou la trouvé kissa i lé :
Jésus sa, garson Joseph, i sort Nazareth laba. »
Nathanaël la répliké :
« Dann Nazareth la, i pé sort kèkshoz de Bon ? »
Philippe i réponn :
« Vien, oir ou mèm.»
Lèr Jésus i oi Na thanaël, vni vèr li, Jésus i di apré Nathanaël:
« Voila vréman in moun Israël: la poin la mantri èk li. »
Nathanaël i domann Jésus :
« Par koman ou koné a moin ? »
Jésus i réponn :
« Avan Philippe i kri a ou, lèr ou lété sou piéfig, moin la vi aou. »
Nathanaël i di:
« Rabbi, aou lo garson Bondié ! Aou lo roi Israël. »
Jésus la di :
« Mi di aou, moin la vi aou sou piéfig, akoz sa mèm ou kroi ! Ou va oir dshoz bien pli gran ankor. »
Jésus i rajout :
« Amen, Amen, mi di azot :
zot va oir lo sièl rouvèr, bann zanj Bondié, monté-désann pardsi lo Fis de lonm. »
©jean volsan
