Evangile en créole du 22 aout 2024
Jeudi 22 Août 2024 Mt 22, 1-14
Lèr la,ésus la koz ankor ansanm lo bann grand prèt , lo bann zansien lo pèp, la di azot an parabol :
« Lo royonm dann sièl lé konmsi in roi, la fé mariaj son garson.
Li la anvoy son bann sèrvitèr,kri lo bann zinvité,solman bann na té ki vé pa vni.
Alorse li la anvoy ankor dot sèrvitèr di lo bann zinvité ;
« voila ; moin la fine prépar lo gran festin, gro bèf ansanm zanimo bien gras la fine tié;
Tout lé pré : Vien azot fé la fête.
Solman,zot té pa la èksa, zot la pa fé in compte ansanm sa, zot la parti, Inn son bitassion, lot son komèrs ;
Lé zot la kapay lo bann servitèr, la maltrèt azot, la tié azot.
Lo roi la pran la kolèr, la anvoy son larmé, tié bann sak lavé tié son bann zanvoyé,
Mèt dofé dann zot vil.
Aprésa, li la di ansanm son bann servitèr :
« festin mariaj la fine paré, solman, lo bann zinvité té i mérite pa.
Alé azot dann kroizé shomin, tout bann sak zot va trouvé, invit azot la noss la.
Lo bann servitèr la parti dann shomin, ramass tout bann sak zot la trouvé, lo mové konm lo bon,
la salle mariaj lété pkin domoun.
Lo roi la rantré oou oir lo bann zinvité, la, Lo roi la vi in moun, té pa abiyé pou in mariaj.
Lo roi la di ansanm lo moun :
« Mon zami, par koman ou la rante andan la, ou la poin linj mariaj ?Lot la pa di arien, la arèt la boush kouzi.
Alorse, Lo roi la di lo bann servitèr :
« Jète so moun la, lo pié la min amaré, dann fénoir déor ;
la, nora gro-gro pléré, lo dan pou grinsé.
Pars la kri in bonpé, solman, inn ti pé la vni abou. »
©jean volsan
