Evangile en créole du 20 aout 2024
Mardi 20 Août 2024 Mt 19, 23-30
Lèr la, Jésus té i di son bann disip :
« Amen , mi di azot : in rish va rannt difisilman dann Sièl
Mi di, mi répèt azot :
Lé pli fasil pou in shamo pass par lo trou in zéguï,olièrk pou in rish rannt dann sièl. »
Antann so bann kozman la, lo bann disip té bien dékonsèrté,
zot té i di :
«Ben kissa i pé èt sové don ? »
Jésus la poz lo zié dsi zot, la di :
« pou domoun, sa lé pa possib, solman, Pou Bondié, tout lé possib. »
Alorse Pierre rouv la boush pou di Jésus :
« Astèr, lèr nou la larg tout pou suiv a ou : kèl partaj nou pou ganié la dan ? »
Jésus la di azot :
« Amen mi di azot : lèr nora lo mond nèv, lèr lo Fis de lonm va sièj si son tronn la gloir,
azot bann sak la suiv amoin,
zot pou sièj ossi déssilo douz tronn
pou juj lo bann douz tribu Israël.
Sak nora kit, akoz mon
nom, bann kaz, bann frèr,bann sèr,
in papa, in momon, bann marmay,
sankoi in tèr, li va gaign cent fois plis,
li nora konm léritaj, la vi étèrnèl.
In bonpé an parmi bann promié, i sora dèrnié,in bonpé dann ban dèrnié i sora promié. »
©jean volsan
