Evangile en créole du 19 aout 2024
Lundi 19 Août 2024 Mt 19, 16-22
Lèr la, in moun la vni koté Jésus pou di:
« maitr, kossa mi doi féd bon pou gaign la vi étèrnèl ? »
Jésus la di:
« Akoz ou kèstionn amoin dsi sak lé bon ?
Sak lé bon, sé Bondié, Bondié solman ! Si ou vé rannt dann la vi, réspèk bann komannman. »
Lo moun la domandé :
« kèl, sa ? »
Jésus la di :
« Ou tié arpa pèrsonn.
Ou trahira pa out madam,
ou vol arpa
Ou dira pa nimport kossa lé fo konte in moun.
Aoir réspé pou oute papa-momon ;
An plis Ou va èm sak lé koté ou konm ou mèm. »
Lo jèn boug la di :
Toussa la moin la fé sa :kossa i mank amoin ankor ?
Jésus la réponn ali :
« Si ou vé èt parfé, alé, vann sak ou nana, donn sa bann pov,
Lèr la, ou nora in trézor dann sièl.Aprésa, vien a ou, suiv amoin. »
Antann sa lo moun la tourn lo dos, li la parti tout an tristèss, Pars li lavé in bonpé lo bien.
©jean volsan
