Evangile en créole du 16 aout 2024
Vendredi 16 Août 2024 Mt 19, 3-12
Lèrla, bann pharisiens, la vni koté Jésus pou mèt Jésus dann in gob ; zot la domandé :
« Eské lé pèrmi i mari ranvoy son madam pou nimporte kel motif ? »
Jésus la réponn :
« Zot la pa lir sa ? dopi promié débi, Bondié la fé azot, lo zonm li, fanm li ?
Li la di ossi :
« Akoz de sa, lonm va lès son papa, momon, li pou lié ali ansanm son madam, tou lé dé i féra pi kinsèl shèr.
Parlfèt, zot lé pi dé, Solman insèl shèrAn rézon, sak Bondié la mèt ansanm, lonm i sépar pa sa! »
Bann Pharisiens la ardi :Ben akoz Moïse la di i donnin lord divorse avant i ranvoy lo fanm ?
Jésus i réponn azot :
« Sé akoz konbien zot kèr lé dir, Moïse la pèrmèt azot ranvoy zot fanm.Solman, lèr la komansé, lété pa
konmsa.Or, mi di azot, si in moune i ranvoy son madam sauf an ka si dové pa fé lo mariaj_
E, li marié ansanm in not moun, li in trahizon.”
Son bann disip la di ansanm li :
« Ben si lé konmsa lo sitiasion lonm èk son madam, vodamié pa marié. »
Li la réponn azot :
« La pa tout domoun i konpran sa parol la, solman bann sak pou kissa la rouv lo zié.
Nana domoun i marié pa, pars de nésans mèm, zot la pa kapab ;Nana bann sak i pé pa marié
pars zot la été éstropié par domoun mèm ;Nana bann sak la shoizi pa marié akoz royonm Bondié.
Sak li pé konpran sa, li konpran
©jean volsan
