Evangile en créole du 15 aout 2024
Jeudi 15 Août 2024 Lc 11, 27-28
Lèr, la, lèr Jésus té an trinn kozé, in madam la lèv la voi
dann plin milié la foul pou di:
Bienérèz lo momon la porte a ou an èl, sak,èl la donn aou tété !
Alorse Jésus la di aèl :
« Bienéré plito bann sak i akout
Parol Bondié,i mèt sa parol la dann kèr zot vi !
Lc 1, 39-56
Lèr la , Marie la pran son shomin, èl la parti vitman dirèksion bann montagn, dann in vil la Judée laba.
El la rant dan la kaz Zacharie, èl la di bonjour Elisabeth.Lèr Elisabeth la antandi lo bonjour
Marie, lo zanfan la bouj-boujé for dann son vant.Alorse, Elisabeth la rampli l’Esprit saint,
èl la kri for :
« Ou lé béni Marie, rannt toute lé fanm, zanfan ou porte lé béni. Par koman, la donn a moin,
lo momon mon sénièr i vien ziska moin ?
Pars, lèr parol out bonjour la ariv dann mon zorèy, zanfan mi port la sot an lèr kontantman.
Binérèz sak la kroir, noré arivé, so bann parol parol lo sénièr la di aèl. »
Alorse, Marie la di :
« Mon lam i mèt an lèr lo sénièr ;Sot an lèr mon léspri pou Bondié, mon sovèr !
Li la pansh si son pti sèrvant ; Astèr tout domoun va kri amoin bienérèz.
Lo puisan la fé mèrvèy pou moin ; son nom lé saint !
Son mizérikord, i lé la, dopi toultan si bann sak i na la krintiv Bondié.
Détann la fors son bra, li fane lo bann sak i mèt zot lorguèy dovan.
Li shavir bann roi ansanm zot tron, li mèt an lèr bann plip ti
Li donn lo bien bann sak la fin, fé artourn min vid bann sak lé rish.
Li fé arlèv Israël son sèrvitèr, li na souvnans son lamour,
Promès li la fé, nout papa, pou Abraham èk son désandans pou toultan.
Marie la arèt ansanm Elisabeth apépré
troi moi. Aprésa, èl la artourn sa kaz.
