Evangile en créole du 14 aout 2024
Mercredi 14 Août 2024 Mt 18, 15-20
Lèr la, Jésus té i di son bann disip :
Si out frèr la fé in péshé kont ou, alé fé lo roprosh zot dé tousèl.
Si li akout aou, ou la gaign out frèr.
Si li akout pa ou,rod an plis inn dé moun ansanm manièr i règ lo zafèr dovan détroi témoin.
Si li rofiz akout bann na, Alé di sa l’Egliz ;
Si li vé pa ankor akoutel’Egliz,
konsidèr frèr la konm in paien, konm in piklikin.
Amen, mi di azot :
Tout sak zot nora amar ansanm dsi la tèr, i sra amaré dann sièl,
tout sak zot nora démaré si la tèr, i sora démaré dann sièl.
Konmsa mèm, amen, mi di azort, Si dé rant zot i mèt a zot dakor pou domann koik so soi,
zot va gagné ansanm mon papa dann sièl.
« An rézon, lèr détroi lé la ansanm an mon nom, amoin, moin lé la an parmi zot. »
©jeanvolsan
