Evangile en créole du 13 aout 2024
Mardi 13 Août 2024 Mt 18, 1-5.10.12-14
Lèr la, son bann disip la vni koté Jésus, pou domandé :
« Kissa sé lo pli gran, dann sièl ? »
Alorse, Jésus la kri inn ti marmay ; li la mèt lo marmay o milié zot,
Li la di :
« Amen, mi di azot : si zot i shanj pa pou vni konm bann marmaye, zot i rante arpa dann sièl.
Sak i sora pti konm marmay la, sèt la lé lo pl igran dann sièl.
Sak i rossoi in marmakonm sa an mon nom ; li rossoi a moin ; »
Tansion-pangar azot mépriz innsèl bann ti konm sa, pars, mi di azot, bann zanj bann na, dann sièl
i oi toultan la figuir mon papadann sièl. »
Azot, kosa zot i di zot ?
Si in moun na cent mouton, inn an parmi i pèrd la bann, èské li sa va pa lès lo quatre vingt dix neuf i arèt
dann la montagn pou alé rod, sak la pèr la bann ?
La, si li niabou artrouv mouton la,
Amen, mi di azot :
li lé pli kontan pou èl olièrk pou sa lo bann quatre vingt dix neuf la pa pèrd la bann.
Konmsa mèm, zot papa dann sièl i vé pas insèl an parmi son bann mouton i pèrd la bann.
©jean volsan
