Evangile en créole du 12 aout 2024
Lundi 12 Août 2024 Mt 17, 22-27
Lèr la, konm Jésus ansanm son bann disip lété an Galilée laba, li la di azot :
« Lo fis de lonm i sava èt mèt dann la min bann domoun ;
Zot va tié lo fis de lonm, lo troizièm jour, li va résissité. »
Zot lété bien shagrin.
Konm zot té ki ariv Capharnaüm, bann sak té ki ramass larjan lantré de deux Drachmes pou lo tamp
la vni oir Pierre pou di ansanm :
« Zot mèt, li pèy bien lo deux Drachmes , hein ? »
Li la réponn :
« oui »
Lèr Pierre la rant dan la kaz, Jésus la rouv la boush an promié :
« Simon, kossa ou pans de sa ou ?,
Lo bann roi si la tèr, èské zot i ramas in taks, sankoi in linpo ?
si zot zanfan sankoi déssi dot moun ? »
Pierre la réponn : «
Déssi dot moun ! »
Jésus la di :
« an rézon, lo bann garson lé lib, solman, pou pa mékontante domoun, alé ziska la mèr, zèt in zin,
kap lo promié poisson va mord ; rouv son guèl, anndan, ou va trouv in piès quatre Drachmes .
Pran, ou va doné pou moin èk pou ou. »
©jean volsan
