Evangile en créole du 05 aout 2024
Lundi 05 Août 2024 Mt 14, 13-21
Lèr la, lèr Jésus la aprann la mor Jean–Baptiste Jésus sorti, la parti an kanot, pou in landroi dézèr, a lékar.
Domoun la koni, alorse kit zot vil, zot la suiv a pié.
Lèr li débark, Jésus i voi in gro paké domoun ;son kèr la tonbé pou zot,
Jésus, la guéri zot bann malad.
Ariv lo soir, son bann dalon i koss koté Jézu pou di:
« atèrla lé dézèr, lèr la fini vié. Di bann na allé : Di azot, allé dann bann vilaj ashté zot manjé ! »
Solman Jésus la di azot :
« Bann na la pa bézoin allé, azot mèm, donn bann na in boushé manjé. »
Alorse, zot la di Jésus :
« tèrla, nou nana rienk, cinq pin ek dé poisson. »
Jésus la di :
« Amèn pou moin. »
Aprésa, di domoun assiz dann zèrb,
Jésus la pran lo cinq pin, ek lo dé poisson, lèv lo zié dann sièl, la di in bénédiksion, La kass lo bann pin,
la donn son bann disip,
bann na lété ki donn do moun dann lo foul.
Zot toute la manj vant plin. La ramass lo bann morso té i arèt ; Sa té i fé douze panié.
Bann sak la manjé lété omoin cinq mill, sa, san kont bann fanm, ni bann zanfan.
©jean volsan
