Evangile en créole du 04 aout 2024
Dimanche 04 Août 2024 Jn 6, 24-35
Lèr la,
Lèr la foulla vi Jésus té pa la, ni son bann dalon, domoun la mont dann kanot pran dirèksion Capharnaüm
Pou rod Jésus.Trouv Jézu, lot koté, zot la di :
« Rabbi, kan sa ou la ariv issi ? »
Jézu la réponn azot :
« Amen, amen, mi di azot : Zot i rod amoin, la pa pars zot la vi bann sinial, sa pars zot la manj bann pin la
La ranpli zot vant.
Travay pa pou majé i gat,Travay pou manjé i gat pa ziska dan la vi étèrnèl,sak lo fis de lonm va donn azot,
fis de lonm Bondié la mèt son mark déssi. »
Alorse zot la di :
« Kossa ni doi fé pou travay pou Bondié ?
Jézu la réponn azot :
« Zouvraj Bondié, sé ké zot i kroi dann sak li la anvoyé. »
La, zot la di:
« Kèl sinial ou sa va fé, manièr ni pé oir pou kroir aou ? Kèl zafèr ou sa va fé ?
Dann dézèr, nout papa, la manj la mane konm lé di dann Lébritir :
Li la donn azot dopin i sort dann sièl. »
Jésus la réponn azot :
« Amen, amen, mi di azot :
La pa Moïse la donn azot dopin i sort dann sièl, sé mon papai donn azot lo vré pin i sort dann sièl.
Pars, dopin Bondié, sé sak i sort dann sièl i donn la vi lo mond. »
Alorse, zot la di :
« Sénièr, donn anou toultan dopin la. »
Jésus la réponn azot :
« Amoin, moins dopin la vi sak li vien ziska moin li nora pi jamé fin
Sak li kroi amoin , li nora pi jamé soif. »
©jeanvolsan
