Evangile en créole du 03 aout 2024
Samedi 03 Août 2024 Mt 14, 1-12
Dann tan la, Hérode, lété o pouvoir an Galilée laba, la aprann lo ronomé Jésus,
la di ansanm son bann sèrvitèr :
« Sèt la, Jean-Baptiste, résissité an parmi lo mor,
Voila pou kossa bann mirak i ariv akoz de li. »
Pars, Hérode lavé fé kapay Jean, anshèn Jean, mèt la zol.
Té akoz, Hérodiade, la fanm son frèr Philippe.
Parlfèt, Jean baptiste lavé di Hérode :
« Ou la poin lo droi pran aèl pou fanm »
Hérode té ki rode in manièr pou fini ansanm li, solman, li lavé pèr lo bann foul
té i pran Jean pou in profèt.
Ariv lanivèrsèr Hérode, la fi Hérodiade la dansé an parmi lo bann zinvité,
sa la bien fé plézir Hérode.Alorse, li la fé sèrman donn aèl sak èl noré domandé.
Poussé par son momon, èl la di :
« Donn a moin dsi in plato, la tèt Jea-Baptiste. »
Lo roi té kontrarié, solman, akoz son sèrman, lo bann zinvité lété la, li la donn lord donn aèl la tèt Jean.
La anvoy fé koup la tèt Jean dann la prizon.La amèn lo tèt si in plato, la donn lo jèn fi,
El la amène pou son momon.Lo bann disip Jean larivé pou
pran lo kor, zot la parti antéré ; Aprésa, zot la parti di sa Jésus.
©jean volsan
