Evangile en créole du 29 juillet 2024
Lundi 29 juillet 2024 Mt 13, 31-35
Lo jour la, Jésus la di domounin not parabol :
« Royonm Bondié la, lé konm, i grin moutard, in moun la pran,li la jèt dann son bitasion.
Sa sé lo pli pti grin la somans, solman,
lèr li la fine poussé, li dépass lo bann plante potajé,li vien in piéboi,
si tèlman, lo bann zoizo lo sièl i vien fé zot ni dann son bann bransh. »
Li la di azot, in not parabol :
« Royonm Bondié la, lé konm in levur, in madam la pran, èl la mèt dann troi mézir la farine,
ziska toute la pat la fini lévé. »Toussa la, Jésus i di sa lo bann foul an parabol,
li té i di pa zot rien san parabol,
konmsa, fé parol, lo profèt :
Ma rouv la boush pou bann parabol, ma fé konèt, sak té kashièt dopi lafé lo mond.
© jean volsan
