Evangile en créole du 28 juillet 2024
Dimanche 28 juillet 2024 Jn 6, 1-15
Aprésa, Jésus la pass si lot bor la mèr la Galilée, lo lak Tibériade.
pars domoun lavé vi bann sinial Jésus té ki fé déssi bann malad.
Jésus la mont si la montagn, la asiz èk son bann disip.
Parlfèt, la fèt Pâque bann juif té pa loin.Lèv lo zié, Jésus la vi in gro paké domoun té i vien ziska li.
Jésus la di Philippe :
« Oussa nou va ashté dopin, manièr bann na nan pou manjé ? « Koz konm sa, Jésus té i sonn Philippe ;
pars Jésus, té i koné kossa li té i sava fé. Philippe la réponn :
« larjan Deux cent journé travayNoré poin assé manièr shakèn i gaign inn ti guine dopin.
« Inn son bann disip, André, lo frèr Simon-Pierre la di Jésus :
« Tèrla, nana in marmay li nana cinq pin lorge ansanm deux pti poisson ;
mé kossa sa pou toussa domoun la ?
« Jésus la di :
« Fé asiz domoun. »
Lavé in bonpé zèrb lndroi la.
Alors, zot la asiz ; zot lété apépré cinq mil moun.
Alorse, Jésus la trap lo bann pin, la di in bénédiksion aprésa, la donn sa lo bann domoun lété la.
La fé parèi ansanm lo bann poisson ;
la donn azot tank zot té ki vé.
Lèr zot vant té bien plin, Jésus la di ansanm son bann disip :
« Ramass, lo bann morso la arété, manièr i pèrd pa arien. »
Zot la ramassé, la, zot la rampli douz panié
ansanm lo bann bout lo cinq pin an orge lavé arété ansanm tout bann
sak lavé manjé. Oir lo sinial li té i vienn fé, domoun la di :
« So moun la lé vréman lo profèt, i doi vni dann lo mond »
Solman Jésus, té i koné,bann na té i sava souk Jésus pou fé zot roi,
Alorse, ankor in foi, Jésus la parti dann la montagn.
Jésus, tousèl.
© jean volsan
