Evangile en créole du 27 juillet 2024
Samedi 27 juillet 2024 Mt 13, 24-43
Lo jour la, Jésus la propoz domoun parabol la:
« Lo royonm dann sièl, lé konm si in moun i sèm in bon grin dann son bitassion.
Solman, lèrk li dor, son zènmi la vni, la sèm mové zèrb dann lo bon grin, aprésa, la parti.
Lèrk lo tij lo blé la poussé, la donn lo zépi, alorse lo mové zèrb la lévé ossi.
Lo bann sèrvitèr lo mèt la vni di :
« Sénièr, sa la pas in bon grin, ou la sèm dann oute bitassion la ? »
Komann sa sfé na mové zèr ladan ? »
Lo mait la di azot :
« Sa in zènmi la fé sa. »
Lo bann sèrvitèr la di :
« ou vé nous ava rash lo mové zèrb ? »
Lo mait la réponn :
« Non va, pars, rash mové zèrb, zot i riskab rash lo blé an mèm tan.
Lèss azot poussé ansnsam ziska lèr pou ramassé.
Lèr pou ramassé, ma di ansanm bann zouvrié :
« allé tir lo mové zèrb avan, amar an paké pou brilé ;
Aprésa, ramass mon blé pou mèt dann magazin. »
©jean volsan
