Vendredi 26 juillet 2024 Mt 13, 18-23
Lèrla, Jésus la di ansanm son bann disip :
« Akout kossa i vé dir so parabol lo sémèr.
Lèrk in moun i attann parol lo sièl san konprann, Lo mové i vien,
I kapay sak lé sémé dann son kèr :
Alorse, so moun la, sé lo bitassion oussa i vien sémé bordaj shomin.
Sak la gaign la somans dann kayass, sé sak li antann lo parol, li lé bien kontan si lo kou ;
Solman li la poin la rasine dann kèr,li lonm in ninstan, (in Shoval in tour)
Lèr i ariv malizé sankoi kondanassion akoz la Parol.
Li gaign kout kongn, li largue lo kor ;
Sak la gaign la somans dann zépine, sé sak, li antan li la parol,
solman traka la vi, zapa, lo parèt ansanm la rishèss i touff la parol, alorse parol la i donn pa rien.
Sak la gaign la somans dann in bonn tèr, sé sak li antann la Parol, li konpran :
Li donn lo frui ziska , Cent, ziska soixante, sankoi ziska trente pou inn. »
© jean volsan
