Evangile en créole du 25 juillet 2024
Jeudi 25 juillet 2024 Mt 20, 20-28
Lèr la, momon Jacques èk Jean bann garson Zébédée,
i vien koté Jésus ansanm son dé garson, Jacques ansanm Jean, èl imèt ajnou pou fé Jésus in domann:
Jésus i di ansanm èl :
« Kossa ou vé ? »
El i réponn :
« Donn lord mon dé garson lé la,i sièj, inn oute koté droite,Inn oute koté gosh, lèrk ou sorea dann sièl.
Jésus la réponn :
« Zot i koné pa kossa zot lapré domandé.
Eské zot va niabou boir sa la koupe mi sava boir la ?
Zot i di:
« Na vnia bou »
Jésus la di azot :
« Sa la koup la, zot va boir .
Solman, kanta sièj, mon koté droite, sankoi mon koté gosh, La pa a moin pou donn sa ;
Nana bann sak pou kissa sa lé préparé par mon papa. »
Lo dis zot, lavé anatandi sa té pa kontan ansanm lo dé frèr.
Jésus la kri azot pou di azot : « Zot i koné, bann shèf lo bann nassion i komann bann na an mait,
Lo bann gran i fé santi lé zot zot pouvoir.An parmi zot, sa i doi pa èt konmsa.
Sak li vé èt gran an parmi zot, i sra zot sèrvitèr, sak i vé èt rante zot,lo promié, sora zot lésklav.
Parlfèt, lo fis de lonm la pa vni pou li èt sèrvi, Li la vni pou sèrvi
.Donn son vi pou sov toute domoun nana.
© jean volsan
