Inn ti manzé

Evangile en créole du 23 juillet 2024

Mardi 23 juillet 2024 Mt 12, 46-50
Lèrla, lèr Jésus té i koz ankor ansanm domoun, son momon ansanm son bann frèr té déor,
zot té i vé koz ansanm Jésus.
In moun la di Jésus :
« Out momon ansanm, bann frèr lé la déor, zot i vé koz èk ou ! »
Jésus la réponn lo moun :« Kissa mon momon, kissa mon bann frèr ? »
Aprésa, tann la min vèr son bann disip, Jésus la di :
« voila, mon momon, voila mon bann frèr.
Pars, sak li fé la volonté, mon papa dann sièl,
So moun la lé, pou moin, in frèr, in sèr, in momon. »
© jean volsan