Evangile en créole du 22 juillet 2024
Lundi 22 juillet 2024 Jn 20, 1.11-18
Lo promié jour la somèn, Marie-Madeleine i sava lo tonbo, bardjour ; Té i fé ankor noir.
èl i oi konm la tir lobèl rosh dovan lo kavo. El lété a koté lo kavo, an déors, èl té i plèr, té i plèr.
Dann son pléré lé, èl la pansh vèr lo tonbo.
El i ioi dé lanj abiyé an blan, inn la plas la tèt, lot la plas lo pié landroi oussa lavé mèt lo kor Jésus.
Ban la I domann aèl :
“Madame, akoz ou plèr ? ”
èl I réponn azot:
« La tir mon sénièr, mi koné pa oussa la dépozé. »
fine di sa, èl i artourn si èl mèm ;
El i oi Jésus lété atèrla, solman èl té i koné pak lété Jésus.
Jésus i di aèl :
« Madame, akoz ou plèr ? Kissa ou rod ? »
Pran Jésus pou lo zardinié, èl i réponn :
« Si sé ou la parti ansanm lo kor,
Di amoin oussa ou la mèt,
amoin, ma alé artrapé. »
Alorse Jésus la di aèl : « Marie ! »
Artourn dsi èl, èl la di an hébré :
« Rabouni » sé ta dir mait.
Jésus i di ankor :
« Tienbo pa moin, pars moin la pankor mont vèr lo père.
Alé oir mon bann frèr, di azot, mi mont vèr mon pèr ,zot pèr,
Vèr mon Bondié, zot Bondié. »
Marie Madeleine i sava, alorse di sa ansanm lo bann disip :
« Moin la vu le sénièr ! »
La èl la rakonte azot sak Jésus lavé di aèl
© jean volsan
