Evangile du 21 juillet 2024
Dimanche 21 juillet 2024 Mc 6, 30-34
Lèr la, lo bann dalon la vni koss koté Jésus, zot té ki di tout sak zot lavé fé, tout zafèr zot lavé amontré .
Jésus la di azot :
« Vien azot in pé alékar in landroi dézèr, ropoz a zot in pé. »
Parlfèt, sak té ki ariv , ansanm bann sak té i sava, lété in kantité,
si tèlman, lavé mèm pi lo tan pou manj in boushé.
Alorse, zot la mont dann in kanot pou alé in landroi a lékar.
Domoun la vi a zot alé, in bonpé la konpri zot lintansion.
Alorse, a pié, dopi tout bann vil, zot la kour dovan,
zot la ariv lot koté avan bann na.
Désann à tèr, Jésus la vi in kantité domoun.
Son kèr la tonbé pou zot, pars zot lété konm bann mouton la poin gardien.
Alors, li la rouvèr zot lintélizans, lontan-lontan
© jean volsan
