Evangile du 20 juillet 2024
Samedi 20 juillet 2024 Mt 12, 14-21
Lèr la, fini sort dann synagog, bann Pharisien la fé in rénion kont Jésus, rod manièr pou fini ansanm li.
Aprann sa, Jésus la sort la.
In bonpé la suiv ; li la guéri azot, zot tout.
Li la bien rokomann azot pa fé konèt sa.
Manièr té ki ariv sak lavé di profèt Isaïe
Voila, mon sèrvitèr moin la shoizi, mon lémé, moin la pran plézir shoizi ma mèt mon léspri ansanm li,
li va di lo droi bann nassion.
Li rod arpa dézord, li kri arpa , i antandra pa son voi déssi bann plass.
Li kas arpa lo ti bransh la plié,
li tèn arpa lo mèsh i boukane ankor,
ziska li la fine amèn lo droit ziska la viktoir.
Dann son nom, bann nassion va mèt zot lèspoir.
© jean volsan
