Evangile du 19 juillet 2024
Vendredi 19 juillet 2024 Mt 12, 1-8
Lèrla, in jour sabbat, Jésus la travèrse in karolo blé ; son bann dalon lavé fin,
alorse, zot la rash détroi zépi pou manjé ;
Oir sa, bann Pharisiens la di Jésus : « Ogard, out bann dalon, bann na
lé an trinn fé sak la pa pèrmi in jour sabbat!”
Solman, Jésus la di azot :
« Zot la pa lir sak David la fé lèrk li ansanm bann sak lété y marsh ansanm ?
David la rant la kaz Bondié, zot la manj lo bann pin lofrande ;
Parlfèt, ni david, ni bann sak lété ansanm lavé lo droit manj sa apark bann prèt.
Sankoi, zot la pa lir dann la loi, lo jour sabbat, bann prèt dann tanpl,
i réspèk pa lo ropo lo sabbat sans fé rienn té mal ?
An rézon, mi di azot, issi nana bien pli gran ké lo tanpl.
Si zot lavé kompri kossa té i vé dir :
« Mi vé ma mizérikord, pa lo sakrifis,
Zot noré pa kondane bann sak la pa fé fot.
Parlfèt, lo fis de lonm, lé, lo mait lo sabbat. »
© jean volsan
