Evangile du 15 juillet 2024
Lundi 15 juillet 2024 Mt 10, 34 – 11, 1
Lèr la, Jésus la di son bann disip :
« Majine pa moin la vni amèn la pé si la tèr :
Moin la pa vni amèn la pé, moin la vni amèn lépé.
Oui, moin la vni pou sépar lonm ansanm son papa, lo fi son ansnm son momon, lo bèlfi, ansanm son bèlmèr
Nora pou zèmni, domoun dann out prop kaz.
Sak i èm son papa sankoi son momon plis ké moin, li mérit pa moin :
Sak li èm son garson, son fi, plis ké moin, i mérit pa moin.
Sak i trap pa son kroi, i suiv pa moin, i mérit pa moin.
Sak la trouv son vi, va pèrd la vi la ;
sak nora pèrd son vi akoz de moin,va trouv la vi.
Sak i rosoit azot, i rosoit amoin ; alorse, sak i rosoit amoin, i rosoit sak la anvoy amoin.
Sak i rosoit in profèt pars li in profète, nora in rékonpans profèt ;
Sak i rosoit in moin just pars li in moun lé just, nora in rékonpans de just.
E, sak va donn a boir ne srès in sinmp vèr dolo fré, inn bann plip ti pars li in disip,
Amen, mi di azot, : non, li pèrdra pa son rékonpans.
Lèr Jésus té fine di ansanm son bann disip sak li lavé pou di
Jésus la sorte la, la parti rouv léspri domoun, di partou la Parole, dann bann vil lo péï
© jean volsan
