Evangile en créole du 13 juillet 2024
Samedi 13 juillet 2024 Mt 10, 24-33
Lèr la, Jésus té i di ansanm son bann disip:
« lo disip la pa pli garn son mait, sankoi lo sèrvitèr par dsi son sénièr.
La assé si lo disip li lé konm son mait,
lo sèrvitèr konm son sénièr.
Si domoun la trèt Béelzéboul lo mait la kaz,
i sora pli pir ankor pou bann domoun la kaz la.
La pa bézoin zot la pèr so bann domoun la ;
La poin rienn kashièt i sra pa dékouvèr, la poin rienn sak lé kashièt i sora pa koni.
Sak mi di azot dann fénoir, azot, di kozman la dann la limièr ;
« sak zot i antann dann kré zorèy, azot, alé kri sa partou. »
La pa bézoin zot la pèr bann sak i tié lo kor zot i vien pabou tié léspri ;
Tansion pangar plito sak li gaign fé mor dann fin fon lanfèr, lam konm lo kor .
Eské i vann pa dé moino pou in sou ?
Alor la poin in sèl in tonmb atèr, san zot papa dann sièl i vé.
Kanta zot, ziska brinn shové si zot tèt lé konté.
Pa bézoin zot la pèr, zot i vo bien plis ké in rafal moino.
Sak li va di li mon bann dovandomoun, a moin ossi ma di li mon bann dovan mon papa dann sièl.
Solman, sak li sora pa la èk moin dovan domoun, amoin non pli mi sora pa la èk so moun la
dovan mon papa dann sièl. »
© jean volsan
