Evangile en créole du 12 juillet 2024
Vendredi 12 juillet 2024 Mt 10, 16-23
Lèr la, Jésus té i di ansanm son bann disip :
« Astèr, mi anvoye azot, konm mouton an parmi bann lou.
Tansion pangar a zot, pran prékosion konm sèrpan, frajil konm kolonmb.
Tansion-pangar a zot bann domoun :
Bann na va trèn azot dovan la loi, va shabouk azot dann zot synagog.
Va amèn azot dovan gouvèrnèr, dovan bann roi akoz de moin :
La nora in témoiniaz pou zot, pou bann paien.
Lèr va vann azot, kas spa la tèt pou konèt sak zot nora pou di,sankoi koman zot va di sa :
Sak zot nora pou di, i sora donn azot lèr la.
Pars, la pa zot va kozé, sé léspri zot papa dann sièl va kozé dann zot boush.
Lo frèr va liv son frèr la mor, lo papa, son zanfan ;
Bann marmay va drèss konte zot paran, ziska fé mor azot.Zot i sora détésté akoz mon nom ;
Solman, bann sak va tienbo ansanm ziska la fin, sèk la, li sora sové. »
Lèr va fé mizèr a zot dann in vil, sov dann in not.
Amen, mi di azot :
zot nora pa fini pass dann toute bann vil Israël, lèr lo fis de lonm va vni.
© jean volsan
