Evangile en créole du 11 juillet 2024
Mardi 09 juillet 2024 Mt 9, 32-38
Lèr, la, la amèn pou Jésus in moun té possédé, in parlpa-zorèy an tol.
Lèrk té fine poursuiv lo démon, parlpa-zorèy an tol la kozé.
Domoun lété an admirasion, zot té ki di :
« La zamé vi zafèr konmsa dann Israël ! »
Solman, bann pharisiens té i di :
« sé par lo shèf bann démon, li poursuiv bann démon. »
Jésus té i travèrs toute bann vil, bann
vilaj, rouvèr l’espri domoun dann bann synagog,
Proklam, sa bon nouvèl l’évanjil lo royonm, guéri tout maladi, tout linfirmité.
A oir so bann takon domoun la, Jésus, lokèr la tonbé pou zot,
Pars zot té la a pi konèt dann kèl sans tourné ni viré, atèr,
konm bann mouton la poin gardien.
Alorse li la di son bann disip :
« La rékolt la lé an poundiak, solman zouvrié la poin bonpé.
Prièr lo mèt bitassion la, li anvoy zouvrié pou sa rékolt la. »
© jean volsan
