Evangile en créole du 08 juillet 2024
Lundi 08 juillet 2024 Mt 9, 18-26
Lèr la, lèr Jésus té an trinn koz ansanm lobann dalon Jean Baptiste, in gran dimoun la vni.
La mèt ajnou dovan Jésus pou di:
« Mon fi i vienn mor la mèm ; solman, vien aou poz la min si èl, él pou arviv. »
Jésus la lévé pou suiv lo moun ansanm son bann disip.
La, in madam té kisoufèr pèrte lo san dopi douze an, la vni an misouk par dérièr, la toush lo franj son linj.
Pars, èl té ki di an èlmèm :
« Si mi ariv toush ne srèss son linj mi sra sové. »
Jésus la artourné dsi ,oir lo madame, la di aèl :
« Konfians ma fi ! out konfians dann Bondié la sov aou. »
la, tout suit la mèm, lo madam la vni bien.
Jésus, ariv la kaz lo grandimoun, la vi bann jouar la flite, toute in gro paké domoun ajité trann fé dézord.
Jésus la di :
« Sorte azot tèrla, ti fi la la pa mor, èl i dor ; »
Solman, domoun té i gaspi Jésus.
Lèr lo domoun té fine alé déor, Jésus la rantré, trap la min lo jènefi,
Lo jènefi la lévé.Lèr la, nouvèl la la répann partou dann so réjion la.
©Jean volsan
