Evangile en créole du 06 juillet 2024
Samedi 06 juillet 2024 Mt 9, 14-17
Lèr la, lo bann disip Jean-Baptiste i vien koté Jésus pou di:
« Akoz, lèrk bann pharisiens ansanm nou, ni fé privasion si manjé, out bann dalon i fé pa zot ? »
Jésus la réponn :
« èské lo bann zinvité in mariaj i pé èt an dèil, lèr lo marié lé ansanm zot ?
Solman, va vni bann jour oussa va tir lo marié ansanm zot, lèr la, zot pou fé privasion dsi manjé.
Ankor, la poin pèrsonn , i rapiès in linj nèv dsi in vié linj pars lo bout rajouté i ral dsi lo linj
i farlang ankor plis.Ankor, i mèt pa in vin i vienn fé dann bann vié gourdes ;
riskab, lo bann vié gourdes i pète, dovin i vèrs, i pèrd lo bann gourde.
Solman, i mèt lo vin i vienn fé dann bann gourde nèv, konmsa, tout i konsèrv.
© jean volsan
