Evangile en créole du 04 juillet 2024
Jeudi 04 juillet 2024 Mt 9, 1-8
Lèr la, Jésus la mont dann kanot, pou arfé in traversé, la parti dann son vil, Capharnaüm laba.
La, la amèn pou Jésus, in moun paralizé, alonjé dsi in brankar.
Oir zot konfians dann Bondié, Jésus la di ansanm lo moun paralizé :
« Konfians, mon zanfan, out péshé lé pardonné. »
Alorse, désertin an parmi bann léskrib
té ki di : « Boug la ,la poin réspé pou Bondié. »
Solman, Jésus té i koné zot majinasion, la domann azot :
« Akoz zot na mové pansé konmsa ? Parlfèt, kossa lé pli fasil ?
di :
« Out bann péshé lé pardoné, sankoi di : « lèv a ou, Marsh ? »
Alorse, manière zot i koné lo fis de lonm na pouvoir si la tèr pardonn bann péshé…
Jésus lakoz ansanm lo moun paralizé _
Lèv aou, trap ou brankar, rant oute kaz ! » Lo moun la lévé la rant sa kaz.
Oir sa, lo bann domoun lété la, in krintiv la mont si zot, zot té i granmèrsi Bondié
La donn in pouvoir konmsa, domoun.
©jean. volsan
