Evangile en créole du 02 juillet 2024
Mardi 02 juillet 2024 Mt 8, 23-27
Lèr la, Jésus la mont dann in kanot, son bann dalon la suiv.
Alapak, la mèr la vni si tèlman mové,lo kanot lété kouvèr ansanm bann vag.
Solman, Jésus té i dor.
Lo bann disip la vni koté li, fé lèv Jésus,
zot té i di :
« Sénièr, sov a nou, nou lé fouti. »
Solman, Jésus la di azot :
« Akoz zot la pèr konmsa, domoun san konfians dann Bondié? »
Alorse jésus, lèv dobout, la ménas lo bann van ek la mèr, lèr la, tout la vni o pli kalm.
Domoun lété éstomaké, té i di :
« Ben kissa i lé so moun la, ziska la mèr ek lo van in obéi lèr li koz ? »
© jean volsan
