Evangile en créole du 29 juin 2024
Samedi 29 juin 2024 Jn 21, 15-19
Jésus la vni oir ankor dé son bann disip bord, lo lac.
Lèr zot té fini manjé, Jésus la di Simon-Pierre :
« Simon, garson Jean, èské ou èm amoin plis ké sa bann na ?
« li la réponn :
« Oui, sénièr, ou koné ké mi èm aou. »
Jésus la di :
« pass gardien mon bann mouton.»
In dézièm foi, Jésus la di :
« Simon, garson Jean, èské ou èm amoin vréman ?
Li la réponn :
« Oui, sénièr, ou koné mi èm aou,
Jésus la di:
« Pass lo gardien mon bann mouton.
« In troizièm foi, li la di :
« Simon, garson Jean, èské ou èm amoin ? »
Pierre té trist
Pars, pou in troizièm foi, Jésus lavé domandé:
« èské ou èm amoin ? »
i la réponn :
« Sénièr, aou i koné tout zafèr,
ou koné bien mi èm aou. »
Jésus la di:
« pass b gardien, mon bann mouton. »
An vérité, an vérité,mi di aou :
lèrk ou lété jèn, ou té i amar out sintir, aou mèm pou alé oussa ou té i vé alé ;
lèk ou va vni vié, ou va lèv out bann min, la, sé in not moun ké va amar out sintir, la,
pou amèn aou, la, oussa , aou , ou voudré pa alé.
Jésus té i koz konmsa pou fé amont par kèl kalité la mor,
Pierre té ki dové fé oir la gloir Bondié ;
la apré so kozman, Jéu la di èk li : suiv amoin. »
© jean volsan
