Evangile en créole du 27 juin 2024
Jeudi 27 juin 2024 Mt 7, 21-29
Lèr la, Jésus té i di son bann disip : « Lé pa lèr va kri amoin :
« sénièr sénièr ! »Domoun va rant dann sièl, sé lèr zot va fé la volonté mn papa
dann sièl.Lo jour la, in bonpé va di amoin :
« Sénièr, sénièr,la pa ansanm out nom nou la fé lo profèt
ansanm out nom nou la poursuiv bann démon
ansanm out nom nou la fé in kantité mirak ?
Alorse, ma di azot :
« moin la jamé koni azot.Sort azot koté moin, zot bann sak i fé lo mal ! »
Parlfèt, sak i antan bann parol, mi di la, i mèt sa an pratik, lé konm in moun i gard dovan.
La bati son kaz si in kap.
La pli la tombé, la ravine la désann, lo van la soufflé, la vni bat si la kaz la :
La kaz la pa shaviré, pars la kaz té bati si kap.
Sak, li antan mon parol, li lé pa la èk sa, lé konm in boug la tèt piké, la bati son kaz si la sab.
La pli la tombé, la ravine la désann, lo van la soufflé, la vni bat sila kaz la :
la kaz la dégréné, la pa arèt arien. »
Lèr Jézu té fine di sa
Domoun té sézi manièr li té i rouv léspri domoun.
Pars li té amont an moun na lotorité, la pa konm bann scribes.
© jean volsan
