Evangile en créole du 22 juin
Samedi 22 juin 2024 Mt 6, 24-34
Lèrla, Jésus té i di son bann disip :
« Pèrsonn i pé pa sèrv dé mait.Ou bien li va détèst inn pou èm lot
Sankoi li sora atashé ansanm inn li va mépriz lot.
Zot i pé pa an mèm tan sèrv Bondié, sèrv larjan
Akoz sa, mi di azot,trakass pa zot pou zot vi, sak zot va manjé
Ni pou zot kor konèt kèl linj nora si zot.
Eské la vi i vo pa plis in pé manjé ?
Lo kor plis bann linj ?
Ogard zoizo dann sièl, zot i sèm pa, i rékolt pa, zot i ramas spa dann far-far.
Ka mèm sa zot papa dann sièl i nouri azot.
Astèr, azot mèm, zot i vo pa bien plis bann zoizo ?
Kissa rant zot, lèrk li rod traka, li lé kapab ajout in bout dann longuèr son vi ?
kanta sa pou linj, pou kossa fé toussa bann traka ?
Vèy azot koman i pouss bann lys dann karo dboi
Zot i travay pa, zot i fil pa.
Parlfèt, mi di azot, Salomon li mèm dann tout son grandèr
té pa abiyé, konm inn bann na.
Si Bondié i donn linj konmsa zèrb dann bitassion atèrla jordi,
sak domin i sora jété dann fé li va fé bien plis pou zot
Domoun san konfians dann Bondié ?
Kass pa zot tèt konmsa.
Pa pa bézoin di : « kossa nou sa va manjé ?
Sankoi : « Kossa ni sa va boir ? »
Sinon sa : « Ansanm kossa abi anou ? »
Toussa la, sa bann payin i rod sa.
Solman, zot papa dann sièl i koné kossa zot la bézoin.
Rod pou komansé Royonm Bondié èk son jistis,
lèr la toussa la i sora donn azot an plis. Kas pa zot tèt pou domin
Domin nora traka li mèm.
Pou shak jour son kantité traka.
© jean volsan
