Evangile en créole du 21 juin
Vendredi 21 juin 2024 Mt 6, 19-23
Lèrla, Jésus té i di son bann disip :
« Fé pa zot bann trézor si la tèr, la oussa lo mit ansanm bann vèr i manj sa,
oussa volèr i foui lo trou dann mir pou volé.
Solman fé pou zot bann trézor dann sièl, la oussa la poin lo mit ansanm
bann vèr i dévor sa.
La poin volèr i foui lo trou dann mir pou volé.
Pars la oussa i lé out trézor, atèr lamèm out kèr i sora.
La lanp lo kor sé lo zié. Parlfèt si out zié lé bon,
out kor an antié i sora dan la limièr.
Solman si ot zié lé mové, out kor an antié i sora dann fénoir.
Alorse si lo limièr lé dann out kor, lé fénoir
koman bann fénoir la i soran gran-gran ! »
© jean volsan
