Evangile en créole du 19 juin
Mercredi 19 juin 2024 Mt 6, 1-6.16-18
Lèr la,Jésus ladi son bann, son bann disip.
« Sak zot i fé pou vni domoun droit, tansion-pangar fé sa dovan la sosiété
pou fé romark azot.Sankoi, la poinn rékonpans pou zotKoté zot papa dann sièl.
Konmssa mèm, lèr ou fé in sharité,
La pa bézoin fé sonn tronpèt dovan ou
Konm sa bann lipokrit i èm fé romark azot
Dann bann synagogue, dann shomin, pou gaign la gloir domoun.
Amen, mi di azot :
bann na la fini gaign zot rékonpans,
aou, lèr ou fé in sharité, out min gosh i doi pa konèt kossa la fé out min droit,
Manièr sak ou la fé, sa i arèt sokré, out papa li oi dann sokré, va rann aou sa.
Lèr zot i di zot prièr, fé pa konm sa bann lipokrit, i èm èt dobout
dann bann synagogues, dann bann shomin manièr domoun
i oi azot bien lèr zot i prièr.
Amen, mi di azot : bann na la fini gaign zot rékonpans.
Solman aou, lèr ou di out prièr, alé aou dann lo piès lo pli dérièr, tak la porte
La prièr out papa lé dann sokré out papa li oi dann sokré, va rann aou sa.
Lèr zot i priv si zot manjé, pran pa lèr in moun i fé pitié, konm bann lipokrit :
Zot i fé zot ti pitié, pou bien fé amont domoun zot i priv manjé
Amen, mi di azot :
bann na la fini gaign zot rékonpans. Aou lèr zot i priv si manjé, mèt lésans dann out tèt, lav
out fguir ; manièr domoun i konét arpa ou priv manjé.
Solman out papa lé la dann lo sokré
Out papa li oi dann fin fon sokré, va rann aou sa. »
© jean volsan
