Evangile en créole du 16 juin 2024
Dimanche 16 juin 2024 Mc 4, 26-34
Lèrla, Jésus té i di ansanm domoun bann foul :
« Lé, pou royonm Bondié, konm in moun i jèt dann la tèr in somans:
Nuit é jour, lèr li dor, sankoi lèr li lé dobout, la somans la i jèrm, i grandi,
lo moun i koné pa par koman.
Par èl mèm, la tèr i donn avan zèrb, apré lo zépi, pou fini, lo blé plin zépi.
Lèrk lo blé lé mir, i mèt in gran sèrpèt la dan,pars la, lo tan la rékolt la arivé. "
Jésus té i di ankor :
« Ansanm kossa nous ava konpar royonm Bondié ?
sankoi ansanm kèl parabol, nou sa va roprézant sa ?
Sa lé konmin grin moutard :
lèr i sèm dann la tèr, èl lé lo pli pti somans an parmi tout somans.
Solman, lèrkla sèm aèl, èl i mont, èl i vien lo pli gran
tout bann plantassion dann potajé èl i donn gran-gran bransh,
si tèlman, bann zoizo lo sièl i pé fé zot bann ni dann son lonbraj.
« Ansanm in bonpé parabol konm sa, Jésus té ki anons azot la Parol,
dann la mézir oussak zot té kapab antann .
Jésus té i koz pa ansanm zot san parabol,
solman, li té i ésplik tout son bann disip apar.
© jean volsan
