Evangile en créole du 13 juin 2024
Jeudi 13 juin 2024 Mt 5, 20-26
Lèr la, Jésus té i di son bann disip :
« Midi azot : si zot zistis i dépass pa sak bann scribe ansanm sak bann
Pharisiens, zot i rant arpa dann royonm lo sièl.
Zot la aprann, la di ansanm bann pli vié :
« ou tié arpa pèrsonn »
alorse, si in moun i tié in not moun, i fodra li pass an jujman.
Ben amoin, mi di azot :
Nimporte kissa i sora an kolèr konte son frèr, i fodra li lé jujé,
Si in moun i zir son frèr, li pou pass dovan tribinal.
Si in moun i trèt in not lo fou, li riskab dofé lanfèr.
Alorse, lèrk ou sava amèn out lofrann lotèl,
si ou rapèl aou ké oute frèr na in nafèr pou roprosh aou.
Larg oute lofrann lamèm dovan lotèl,
Alé aou avan armèt aou bien ansanm out frèr.
Aprésa, arvien aou prézant oute lofrand.
Mète aou vitman dakor ansanm oute ladvèrsèr, lèrk ou lé dann shomin èk li,
tansion, oute ladvèrsèr i trènn aou dovan lo juj, lo juj dovan lo garde,
i fout aou la jol :
Amen, mi di aou : « ou sort arpa avan ou nora fine paye ziska lo dèrnié sou. »
©jean volsan
