Evangile en créole du 09 juin 2024
Dimanche 09 juin 2024 Mc 3, 20-35
Lèr la, Jésus la artourne la kaz, la, domoun la arvni ankor an paké,
si tèlman té pi kapab manj in boushé.
Son bann, lèrk zot la vi sa, la vni pou kapaye Jésus pars zot té i di
« Jésus la vni fou »
Bann scribes lavé déssann dopi Jérusalem té i di :
« So Jésus la, lé possédé par Béelzéboul. Sé par lo shèf bann démon
li poursuiv bann démon. »
Jésus, fé vni azot son koté, la di azot an parabol :
« Koman, satan, i pé poursuiv satan ? Si in royonm lé divizé kont li mèm,
so royonm la i pé pa tienbo dobout. Si domoun in mèm kaz lé divizé rant zot
so fami la i poura pa tienbo dobout. Si satan, li drèss ali kont li mèm,
si satan lé divizé, li pé pa tienbo dobout, la fini pou li.
Solman, la poin pèrsonn i pé rant dann la kaz in moun gabié, la,
vol son bann bien, si la pa, avan amar, sa moun gabié, la, la solman va vol sak
nana dan son kaz. Amen, mi di azot : tout i sora pardoné, bann zanfan domoun,
zot bann péshè èk bann mové parol kont Bondié si tan zot nora di.
Solman, si in moun i di in mové parol kont l’esprit saint,
So moun la nora jamé pardon. Li lé koupab péshé pou toultan.
Jésus té i koz konmsa, pars bann na lavé di :
« Jésus lé posédé ansanm in mové léspri.»
La, ariv son momon ansanm son bann frèr. Arèt déor, zot i fé kri Jésus.
lavé in paké domoun assiz otour Jésus ;la, domoun la di :
« Atèrla, out momon ansanm out bann frèr lé déor ; zot i rod a ou. »
Solman,Jésusi la réponn azot :
« kissa mon momon,kissa mon bann frèr ?
La, jèt in zié déssi bann sak té assiz la an ron otour, Jésus la di :
« Voila mon momon, mon bann frèr.Sak li fé la volonté Bondié,
Somoun la, pou moinin frèr, in sèr, in momon.
©jean volsan
