Evangile en créole du 08 juin 2024
Samedi 08 juin 2024 Lc 2, 41-51
Tou lé zan, lo bann paran Jésus té i sava Jérusalem pou la fèt paque.
Lèr son douz an, zot la parti an pélérinaj konm zot lavé labitid.
La fèt té fini, lèrk zot té i artourn, lo jèn Jésus la arèt Jérusalem,
sank son bann paran i rann azot kont.
Majine li té ansanm zot bann zami si la rout, zot la marsh in journé shomin
avan rod lo marmay an parmi zot bann paran, zot bann konésans.
Trouv pa li, zot la artourn Jérusalem ashèv rod lo marmay.
Sé apré troi jour ké zot la trouv Jésus dann lo tanmp,
asiz an plin milié lo bann doktèr la Loi :
li té i ékout azot, poz-poz azot bann kèstion.
Tout bann sak té ki antann lété an ladmirasion dovan lo lintélijans ,
dovan son bann répons. Oir Jésus, zot té étoné,
son momon la di:
« Mon zanfan, akoz ou la fé anou sa ? ogard, konm out papa èk moin,
nou la soufèr lo tan nou la roda ou ! »
Jésus la di azot :
« Koman sass fé zot la rod amoin ? zot té i koné pa i fo moin lé la kaz mon
papa ? » Solman, azot, zot la pa konpri sak li té i di azot.
Li la désann ansanm zot pou alé Nazareth ; li lavé réspé pou zot ;
son momon té ki ramass dann son kèr toussa zévènman la.
© jean volsan
