Evangile en créole du 07 juin 2024
Vendredi 07 juin 2024
Jn 19, 31-37
Jésus té i vienn mor,
Konm lété lo jour pou fé lo bann préparassion, sétadir lo vendredi)
Té i falé pa lès lo bann kot an kroi lo tan lo sabbat
An plis so sabbat la, lété lo gran jour pâque.
Alorse, bann juif la dommann Pilate pou tir lo bann kor
lèr té fini kass zot janmb.
Bann solda la parti , zot la kass la janmb lo promié,
aprésa lot, moun lavé té mèt an kroi ansanm Jésus.
Ariv lo tour Jésus, zot la vi, li té fini mor, la, zot la pa kass son bann.
Solman, inn an parmi bann solda, larg in kot sagay, la pèrs son koté,
la, la koul in lo sang ansanm dolo.
Sak li la vi, li pass témoin, sak li rakont la, la lé vréman la vérité,
sak la, li koné ké sak li di lé vré, manièr azot ossi zot i kroi.
Parlfèt, toussa la la arivé manièr i ariv sak lé marké dann lékritir :
La poin in sèl son bann zo i sora brizé.
Nana ossi in not passaj dann lékritir, i di :
« Zot va lèv lozié déssi sak zot la transpèrsé. »
©jean volsan
